Resumen

A multiplicación e a fabricación a gran escala de productos químicos, a partires da Revolución Industrial, ten ocasionado graves riscos para a saúde humana. E aínda que moitas substancias químicas son necesarias e os seus beneficios patentes (antibióticos, penicilinas, fibras sintéticas, limpeza en seco, praguicidas, anticonceptivos ou lentes de contacto), outras moitas ocasionan unha larga lista de problemas derivados, incluídas graves consecuencias para a saúde. Neste senso, tense mitificado a producción química como factor clave de progreso, descuidándose irresponsablemente o estudio das interaccións das substancias químicas cos seres vivos e o medio ambiente.

Anque é practicamente imposible calibra-la incidencia das múltiples combinacións químicas nos alimentos, as augas ou os fogares, si é posible determinar que a exposición a certas substancias industriais pode provocar enfermidades graves, en particular o cancro. Incluso estase demostrando a súa capacidade para mina-lo funcionamento biolóxico alterando sistemas fisiolóxicos vitais como o sistema nervioso, o endocrino ou o inmunolóxico. Son danos sutís, case que imperceptibles, que afectan ó funcionamento da competencia biolóxica global, e elo en ausencia de signos manifestos de enfermidade.

Por conseguinte, é absolutamente necesario regular en profundidade o conxunto da producción química atendendo ós novos estudios que máis alá da investigación sobre os efectos patentes na saúde humana tentan avalia-la súa grave repercusión na competencia biolóxica global. Deste xeito será posible optar polos efectos beneficiosos desta producción e rexeita-los seus enormes riscos.

Dispoñible versión ó castelán

Índice

Introducción

A carga química

O cancro e o medio ambiente

O sistema nervioso en perigo

Xénero, reproducción e desenvolvemento

O sistema inmunolóxico

As probas e os límites da ciencia

Notas

 

Comentarios de lectores